PARI CHIDDU CA NON CI CUPPA
‘N iornu passatu… ‘nto coru arrivau
nautru carusu… so soru ‘u puttau.
Ma frati e soru cu su lu sapiti?
So matri è maestra… non ci criditi?
Iu non ci puteva propriu pinsari…
Fici cu idda l’elementari!!!
Ma sichitamu e di iddu parramu…
Di ‘stu carusu… è propriu alla manu.
Ma ‘u sapiti ca è ‘n gran portentu,
‘ntilligenti, spiritusu… ma sempri attentu.
Di tanti cosi è appassiunatu,
su tanti argumenti è priparatu:
ci parri di machini ed è filici,
tutti i modelli iddu ti dici…
tutti li rally iddu talia
e tutti ‘u ceccunu ppa fotografia.
E do computer… ni vulemu parrari?
Quannu s’assetta? Non c’è chi fari!
Ddi ‘ita li movi spiditamenti
e cu ‘u talia non vidi nenti.
‘u spaziu virtuali ci avi macari
cu internet… ta collegari!
E quannu lu trovi è tuttu priatu…
Ma mentri ci parri… è acchiffaratu!!!
Scrivi e ricivi tanti commenti,
parra e discuti cu tanta genti.
E… pari chiddu ca non ci cuppa…
Di fimmineddi… n’avi na truppa.
Ma ora basta… ca culuri cangiau…
E subutu russu addivintau!!!
E’ ‘u so compleannu e ci ‘u fistiggiamu…
E tutti ‘n coru… l’auguri cantamu!