O Maestru…
Chi successi ‘u vuliti sapiri?
Allura sintiti chi aiu di diri!
Semu puntati e sei di matina
Ppi fari na bella passeggiatina.
A Castelbuono am’a arrivari
Cu l’autri cori am’a cantari.
A unu a unu iemu arrivannu
E tutti do friddu stamu abballannu:
“Ma l’autobus chi fici?”
“Chiamici! Vidi chi dici!”
Sempri attivu è ‘u presidenti,
acchiana ‘nta machina lestu e valenti.
E finalmente l’autobus arrivau;
mmm… chi bellezza; n’ura passau!
Inveci de sei e setti pattemu
Ma u stissu cu calma a strada facemu.
“Aspetta! Fermiti!!!” “Chi sta succidennu?”
“Prestu… ci scappa! S’a sta facennu!”
Ma chi vulemu, non potti aspittari;
di cussa scinniu, non potti cchiu stari.
E macari cu tuttu ddu malu tempu,
sbarattau e acchianau filici e cuntentu.