‘I CINEASTI
Era la festa do so compleannu
e chiaramenti ‘u rialu puttammu:
chiddu seriu è propriu ‘n brillanti,
ma ‘u secunnu fu chiù ‘mpurtanti.
Oh… maravigghia… chi bella pinsata,
c’è priparata na santa nuttata:
“E provitillu!” – “Chiù taddu mu mettu!”
“Ma ‘nficchitillu!” – “No! Chiù taddu… ‘nto lettu!”
Ah… ma fossi è propriu chiù divertenti
su magari lu prova… ‘u prisidenti!
E tira e molla si cunvinciu
e cu tuttu ‘u pacchettu ddabbanna pattiu.
Pa ra pa pa…
‘Ntrinchiti ‘ntranchiti iddu traseva
e no frattempu ballava e rideva:
‘U babydoll… chi doppiu pettu…
supra ‘a cammisa… chi bell’effettu;
e ‘u perizoma? Su misi ‘n testa,
i bedda matri… chi bella festa.
Ma di ‘stu latu… ammucciuni e ‘n silenziu
qualcunu filmava ‘stu bell’eventu.
‘U prisidenti parrava, arrideva e cantava,
a tutti para cuntu ci dava,
quannu di bottu ‘nta l’aria sautau
e ‘u perizoma da testa sfilau:
“Ma chi sta fannu… sta rigistrannu?”
“Chi ‘n cucchi… ‘u ballu stamu taliannu!”
“Semu sicuri?”…iddu diceva,
“Cettu… tranquillu!”… ci arrispunneva.
Povuru iddu… chi ppo sapiri
È tuttu filmatu… chi ti po diri.
Ma tempu dopu ci fu l’occasioni
Pp’arriscattari la so posizioni.
N’autra festa è sempri la scena,
ma a ‘sta vota è propriu na cena:
tutti li tavuli su apparicchiati,
tutti ‘i nvitati… puliti… assittati.
Ma di tantu in tantu qualcunu passia
… ma chi va facennu mentri furria?…
E no frattempu nautri mangiamu,
parramu, vivemu, schizzamu e ridemu.
“Ma… ‘a buttigghia du vinu chi fini fici?”
… ammenzu i so cosci idda sa misi!…
Però d’arreti ‘u sapiti cu aveva…
lu presidenti… parrava, rideva…
o mumento giustu cettu arrivau
tutta la scena iddu taliau
e tuttu filici e già soddisfattu…
ava filmatu ‘stu bellu misfattu!!!